Plantun de Prouvènço

Pèr coumpara dos planto d'encò nostre

Rosa corymbifera & Psilurus incurvus

Agufié(-en-pinceloun)

Rosa corymbifera

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Noms en français : Églantier en corymbe, Rosier en corymbe.

Descripcioun :
Aquest agufié fai parti dóu group Rosa canina, poudèn dire qu'es un agufié pelous. Pèr lou destria fau d'abord vèire que i'ague ges de glando souto li fueio o sus li bord, que li fueio siegon pas verdalo dessubre, que li dardaioun siegon croucu (coume acò coume Rosa canina). Pièi avisas-vous que i'ague bèn de péu sus li fueio, que li dènt di fueio siegon simplo e enfin que li pecou siegon pas glandoulous.

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.

Port : Aubret
Taio : 1 à 3 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Rosa
Famiho : Rosaceae

Ordre : Rosales

Coulour de la flour : Roso
Petalo : 5
Ø (o loungour) flour : 2,5 à 4 cm
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Noun

Liò : Tepiero seco - Camin - Orle de bos - Colo
Estànci : Termoumediterran à Subaupen
Couroulougi : Éurasiatico-Cèntre-Ouèst
Ref. sc. : Rosa corymbifera Borkh., 1790

Margai(-torse)

Psilurus incurvus

Poaceae Graminaceae

Nom en français : Psilure aristé.

Descripcioun :
Planto de l'an forço primo e aloungado que tipicamen èi torso. Lis espigueto, di mai pichoto (< 1 mm), soun coume escoundudo dins la cambo e soun proun aristado (arèsto de la lemma de 4 à 5 mm). Trachis majamen dins li relarg séusous e argielous.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Psilurus
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) flour : 1 mm
Flourido : Printèms

Sòu : Si
Autour basso e auto : Pancaro entresigna
Aparado : Noun
Abriéu à jun

Liò : Sablo - Terraire safrous
Estànci : Termoumediterran à Mesoumediterran
Couroulougi : Éurimediterranenco
Ref. sc. : Psilurus incurvus (Gouan) Schinz & Thell., 1913

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rosa corymbifera & Psilurus incurvus

Coumpara Agufié(-en-pinceloun) emé uno autro planto

Coumpara Margai(-torse) emé uno autro planto